40-Year-old na Lalaki, Arestado dahil sa Pang-aabuso sa 5-year-old na Anak ng kanyang Kasintahan
Inaresto ng mga pulis sa Akiru, Tokyo, ang isang 40-anyos na lalaki dahil sa hinalang pang-aabuso sa limang taong gulang na anak ng kanyang kasintahang kinakasama niya.
Ayon sa pulisya, si Hakuga Yamamoto, na walang fixed occupation, ay umamin na sinipa ang bata sa kanang hita ng apat na beses sa pagitan ng 9 am at 10:40 am noong Feb 22. Pagkatapos ng isang sipa, tumama ang ulo ng bata sa refrigerator. Pagkatayo niya, sinipa siya ulit ni Yamamoto.
Tumawag sa 119 ang ina ng bata, na nasa edad 30, matapos mawalan ng malay ang kanyang anak. Ang bata ay dinala sa isang ospital na kalaunan ay nagsumbong sa pulisya tungkol sa isang posibleng kaso ng pang-aabuso sa bata. Sinabi ng pulisya na ang bata ay nanatiling coma noong Sabado.
Sinipi ng pulisya si Yamamoto, na naaresto noong Biyernes, na nagsabing nagalit siya sa bata matapos niyang makita itong kumukuha ng pera sa wallet ng kanyang ina.
Sinabi ng ina ng bata sa pulisya na sinampal ni Yamamoto ang kanyang anak sa mukha upang disiplinahin ito noong huling bahagi ng Enero.
Nagkita si Yamamoto at ang ina ng bata sa isang online video game site noong nakaraang taon at lumipat siya sa kanila noong Disyembre.
