76 Pinoy sa Mie, Sharp Corp. tinanggal sa trabaho dahil sa coronavirus
TSU, Mie Prefecture – Nagpahayag ng pagkagalit ang mga Pilipino at humihiling ng tulong matapos silang matanggal ng pabrika ng Sharp Corp. dahil sa hindi magandang kalagayan sa negosyo na dulot ng COVID-19 pandemic.
Ayon sa Union Mie, isang labor union na nakabase dito, 76 sa 93 na mga contractual workers na nawalan ng trabaho sa pabrika sa Taki sa nasabing prefecture ay nagmula sa Pilipinas.
Ipinadala sila ng isang subkontraktor sa Matsusaka, mula rin sa nasabing prefecture, upang makagawa ng mga likidong kristal na panel sa pabrika. Ang paunawa upang wakasan ang kanilang trabaho ay napagdesisyunan noong Oktubre 14 at binanggit ang “papaluging negosyo” na dahilan.
Si Akai Jinbu, ang pangkalahatang kalihim ng unyon, ay nagsabing ang kanilang sitwasyon ay “sobrang seryoso.”
“Sa isang kaso, lahat ng kumikita sa isang pamilya ay sabay sabay nawalan ng trabaho,” aniya.
Bago ang kanilang opisyal na pagtatanggal sa trabaho noong Nobyembre 15, idinaing ng mga Pilipino ang kanilang lumalalim na pagkabalisa at pagkabigo nang makilala nila ang mga opisyal ng prefectural na nangangasiwa sa mga hakbangin sa pagtatrabaho sa Tsu noong Nobyembre 12.
Tumutol ang isa sa mga manggagawang Pilipino na pakawalan pagkatapos ng “pagtatrabaho doon sa loob ng 16 na taon.”
Ang isa pang kinatakutan para sa kalagayan ng mga kamag-anak na naiwan sa pilipinas ay ang kawalan ng pera na maipapadala bilang sustento sa pangaraw-araw mula sa Japan.
Halos 30 sa 93 na natanggal na manggagawa ang dumalo sa pagtitipon.
Sinabi ng isang babae na ang kanyang anak sa Japan ay wala ring trabaho dahil sa pandemya, at walang garantiya na makakakuha sila ng mga bagong trabaho sa hinaharap.
Sinabi din niya na mayroon siyang anak na nasa edad pang-high school na susuportahan pabalik sa Pilipinas, at nitong huli lamang ang naiisip niya ay kung paano mabuhay sa kaunting pera na natitira upang magbayad ng renta at para sa pagkain.
Ang pagpupulong sa mga opisyal ng prefectural ay inayos matapos malaman ng unyon ang tungkol sa planong pagtatanggal sa trabaho.
Hinimok ng mga opisyal ng unyon ang gobyerno ng prefectural na magsagawa ng mga pakikipag-usap sa subcontrator at Sharp tungkol sa kung paano maibsan ang kalungkutan at suliranin ng mga manggagawa, at magbigay ng tulong, tulad ng pagpapahintulot sa kanila na lumipat sa pampublikong tirahan.
Ngunit ang mga opisyal ng prefectural ay walang tiyak na maipapangako sa ngayon,bagkus ay sinasabi na hahawakan nila ang mga problema sa abot ng tulong na kanilang maibibigay ngunit walang anumang tukoy na hakbang kung papaano ito mareresolba.
Sa pagtatapos ng Oktubre 2019, isang talaang 1.66 milyong mga dayuhan ang nagtatrabaho sa Japan, ayon sa datos mula sa Ministry of Health, Labor at Welfare.
Matapos sumiklab ang pandemyang coronavirus sa Japan, 70,242 manggagawa ang lubos na naapektuhan, natapos ang kanilang mga kontrata o malamang na nawalan ng trabaho, mula Nobyembre 6.
Sinabi ng ministri na hindi nila tiyak kung ilan sa kanila ang mga dayuhan.
Source: ASAHI.COM
Recommended for you
