Japan holds imperial banquet for Philippine president during state visit

Tinanggap nitong Martes ng emperador at emperatris ng Japan si Bongbong Marcos at ang kanyang asawa sa isang state banquet na ginanap sa Imperial Palace sa Tokyo bilang bahagi ng state visit ng lider ng Pilipinas sa Japan.

Dinaluhan ang event ng humigit-kumulang 90 panauhin, kabilang ang mga miyembro ng Japanese imperial family, mga opisyal ng gobyerno, at mga kinatawan ng dalawang bansa. Unang beses ding dumalo si Prince Hisahito, 19 anyos, sa isang opisyal na banquet sa palasyo.

Sa kanyang opening speech, binanggit ng emperador ng Japan ang mahihirap na panahong pinagdaanan ng dalawang bansa noong Ikalawang Digmaang Pandaigdig at binigyang-diin ang mga pagsisikap matapos ang digmaan upang mapalalim ang tiwala at pagkakaunawaan ng mga Japanese at Pilipino.

Binigyang-diin din ng emperador ang kamakailang kooperasyon ng Japan at Pilipinas sa larangan ng science, technology, at disaster prevention. Nagpasalamat din siya sa suporta ng Pilipinas matapos ang malalaking trahedya sa Japan, kabilang ang 2011 earthquake sa northeastern Japan at ang lindol sa Noto Peninsula.

Bilang tugon, nagpasalamat si Marcos sa mainit na pagtanggap ng imperial family at nagpahayag ng pag-asang lalo pang titibay ang pagkakaibigan ng dalawang bansa para sa mga susunod na henerasyon.

Naganap ang pagbisita sa mahalagang taon kung kailan ipinagdiriwang ng Japan at Pilipinas ang ika-70 anibersaryo ng normalisasyon ng diplomatikong relasyon ng dalawang bansa.

Source / Larawan: Kyodo