Japan-Philippines Security Pact
Nagkasundo ang Japan at Pilipinas na simulan ang pormal na negosasyon para sa isang kasunduan sa pagbabahagi ng impormasyon sa seguridad sa gitna ng tumitinding pangamba sa kilos militar ng China sa rehiyon.
Inanunsyo nina Punong Ministro Sanae Takaichi at Pangulong Ferdinand Marcos Jr. ang pagpapalalim ng ugnayan tungo sa isang “komprehensibong estratehikong pakikipagtulungan” matapos ang pagpupulong sa Tokyo. Kabilang sa mga napagkasunduan ang pagpapalakas ng kooperasyong militar, pagpapadala ng Japanese defense equipment sa Pilipinas, at mas mabilis na joint military exercises.
Nagpahayag din ang dalawang bansa ng “matinding pag-aalala” sa sitwasyon sa East at South China Sea at tinutulan ang anumang pagtatangkang baguhin ang kasalukuyang kaayusan gamit ang puwersa o pamimilit.
Bukod sa seguridad, nagkasundo rin ang Tokyo at Manila sa mas malalim na kooperasyong pang-ekonomiya, enerhiya, at kalakalan habang ipinagdiriwang ang ika-70 anibersaryo ng diplomatikong relasyon ng dalawang bansa.
SOURCE: / LARAWAN: Yomiuri
