Japan warns of more strong quakes after 5.9 tremor
Noong bandang alas-2 ng madaling-araw nitong Linggo (23), isang magnitude 5.9 na lindol ang yumanig sa Japan. Nagbabala ang Japan Meteorological Agency (JMA) na maaaring magkaroon ng mga bagong pagyanig na katulad ng lakas nito sa loob ng halos isang linggo, lalo na sa susunod na dalawa hanggang tatlong araw.
Pagsapit ng alas-6 ng gabi, hindi bababa sa 44 katao ang nasugatan sa Tokyo, Saitama, Kanagawa, Chiba at Ibaraki. May mga gusaling napinsala, mga taong naipit sa elevator, pansamantalang pagkawala ng kuryente sa humigit-kumulang 460 kabahayan sa Meguro at pagtagas ng tubig sa Koto, Tokyo. Naapektuhan din ang ilang serbisyo ng tren.
Pinapayuhan ng JMA ang publiko na ayusin at tiyaking ligtas ang mga muwebles, maghanda ng sapat na tubig at pagkain at maging alerto sa posibilidad ng pagguho ng lupa.
Source: Asahi TV
