Screw found in school lunch
Isang mag-aaral sa isang junior high school sa Tahara, Aichi Prefecture, ang nakakita ng turnilyong humigit-kumulang 1.5 sentimetro ang haba sa ulam na inihain sa tanghalian sa paaralan noong ika-11. Nakaramdam siya ng kakaiba habang kumakain at inilabas ang pagkain sa bibig. Walang nasaktan.
Ayon sa pamahalaang panlungsod ng Tahara, kapareho ng turnilyo ang nakita sa mga ginagamit na pangkabit ng aluminum panel sa bukana ng refrigerator sa kusina. Pinaniniwalaang natanggal ito habang gumagamit ng kariton ang mga kusinero sa pagpasok at paglabas sa refrigerator, at napunta sa pinakuluan at pinalamig na mga gulay.
Susuriin ng lungsod ang mga turnilyo sa mga kahalintulad na lugar at planong maghain ng tanghalian sa ika-12 matapos matiyak ang kaligtasan.
Source/ Larawan: CBC Tv
