Alert: “fake detectives” carry out multi-million yen scam
Isang empleyado ng kumpanya sa Japan ang nawalan ng 16 milyong yen matapos malinlang ng mga scammer na nagpanggap bilang mga pulis at piskal sa loob ng mahigit isang buwan.
Ang biktima, nasa edad 30s at residente ng Utsunomiya, ay nakatanggap ng unang tawag noong Nobyembre 2025. Isang diumano’y empleyado ng bangko ang nagbabala tungkol sa umano’y fraud sa kanyang credit card. Kalaunan, isang “pulis” ang nag-akusa sa kanya na kasabwat sa isang kriminal na grupo.
Sa loob ng 12 araw, napilitan ang lalaki na lumiban sa trabaho, makipag-usap sa pamamagitan ng video calls, at i-report ang bawat galaw sa mga kriminal. Nagsagawa siya ng sampung deposito sa iba’t ibang account, sa paniniwalang tumutulong siya sa isang tunay na imbestigasyon.
“Hindi ko makakalimutan ang buwang iyon. Gusto ko lang makalaya,” ani niya sa Kyodo News. Ayon sa kanya, kahit mabawi pa ang buong halaga, hindi nito mabubura ang trauma na kanyang naranasan.
Source: Kyodo
Recommended for you
