Armadong Lalaki, Sinaktan ang 4 na Tao sa Nagano, Central Japan
Sinabi ng pulisya sa central prefecture ng Nagano na sinaktan ng isang lalaki na may hawak na hunting rifle at kutsilyo ang apat na tao sa lungsod ng Nakano nitong Huwebes.
Sinabi nila na dalawang pulis at dalawang iba pa ang nasaktan.
Ang mga awtoridad ay nagbabala sa mga kalapit na residente na manatili sa loob ng bahay habang ang lalaki ay iniulat na tumatakbo.
Sinabi ng isang saksi sa pampublikong telebisyon ng NHK na nadapa ang isang babae habang hinahabol ng suspek, na pagkatapos ay sinaksak siya ng kutsilyo at binaril ang dalawang pulis pagdating nila sa pinangyarihan. Walang malay ang mga pulis, at hindi na nailigtas ang pang-apat na nasugatan dahil malapit ito sa pinagtaguan ng suspek.
Dinala ang tatlo sa malapit na ospital, kung saan binawian ng buhay ang babae, sabi ng pulisya.
Inilarawan ng pulisya ang suspek bilang isang lalaking nakasuot ng camouflage outfit, isang sumbrero, isang maskara at sunglasses.
Walang ibang detalye, kabilang ang tungkol sa suspek at motibo nito, na agad na nalaman.
