Bird flu outbreak could raise egg prices
Nagdaos ng emergency meeting ang pamahalaan ng Japan matapos makumpirma ang unang kaso ng bird flu ngayong season sa isang poultry farm sa Kyoto. Natukoy sa genetic tests ang highly pathogenic na H5 virus, at sinimulan ang pagpatay sa humigit-kumulang 200,000 manok.
Ayon sa mga opisyal, ikapitong sunod na season nang natutukoy ang virus sa Japan. Hinimok ng pamahalaan ang mahigpit na pagpapanatili ng kalinisan sa mga poultry farm at sinabing patuloy itong magbabantay upang mapigilan ang pagkalat.
Maaari ring lalo pang tumaas ang presyo ng itlog kung kumalat ang sakit. Mahigit 5.7 milyong ibon ang pinatay sa Japan dahil sa mga outbreak noong nakaraang season. Sinisikap ng mga magsasaka na maibalik ang produksyon, ngunit maaaring magtaas pa ng presyo ang panibagong pagkalat.
Source: NHK / Larawan: Illustrative Photo
