Crackdown on illegal employment of foreign workers
Pinaigting ng Ibaraki Prefecture ang mga hakbang laban sa ilegal na pagtatrabaho ng mga dayuhan matapos maitala ang pinakamataas na bilang ng mga irregular na manggagawa sa buong bansa sa ikatlong magkakasunod na taon. Ayon sa datos ng Immigration Services Agency, umabot sa 3,452 kaso ang naitala sa probinsya mula sa kabuuang 14,453 sa buong Japan noong fiscal year 2024.
Nakasaad sa draft ng panukalang batas ang mas mahigpit na inspeksyon, kabilang ang obligasyon ng mga kumpanya na siyasatin ang employment status ng kanilang mga manggagawa at iulat sa pulisya ang anumang iregularidad. Tinutukoy rin ng panukala ang mga responsibilidad ng pamahalaan, mga negosyo, at mga residente, at itinatakda ang Nobyembre bilang “Month for the Promotion of Prevention of Illegal Employment.”
Bukas sa public consultation ang panukala hanggang Marso 25. Simula 2026, plano ng probinsya na magpatupad ng reward system na magbibigay ng humigit-kumulang 10,000 yen para sa mga kumpirmadong ulat o reklamo. Ayon kay Gobernador Kazuhiko Oigawa, mahalaga ang mga dayuhang manggagawa sa ekonomiya, ngunit kinakailangang maging mahigpit laban sa mga paglabag.
Source: Sankei
Recommended for you
