Deadly tick-borne disease continues to spread in Japan
Nakapagtatala ang Japan ng nakaaalarmang pagtaas ng mga kaso ng Severe Fever with Thrombocytopenia Syndrome (SFTS), na kilala rin bilang tick-borne disease at maaaring maging nakamamatay. Ayon sa paunang datos ng Japan Institute for Health Security, 72 kaso na ang nakumpirma hanggang Hunyo 7, na lumampas sa 68 kaso na naitala sa kaparehong panahon ng nakaraang rekord na taon.
Ipinahayag ng Ministry of Health na mahigpit nilang binabantayan ang patuloy na pagtaas ng mga kaso. Nagbabala ang mga awtoridad sa publiko na maging mapagmatyag sa buong bansa, lalo na mula tagsibol hanggang taglagas, kung kailan pinakamarami ang aktibidad ng mga garapata.
Maaaring maipasa ang sakit sa pamamagitan ng kagat ng nahawaang garapata at sa pakikipag-ugnayan sa dugo ng mga taong o hayop na may impeksiyon. Kabilang sa mga sintomas ang lagnat, pagsusuka, pagtatae, at pagbabago sa kamalayan. Tinatayang nasa pagitan ng 10% at 30% ang mortality rate ng sakit.
Bagama’t wala pang bakuna laban sa SFTS, inaprubahan na sa Japan ang isang antiviral na gamot para sa paggamot nito. Mas madalas na naitatala ang mga kaso sa kanlurang bahagi ng bansa, ngunit binibigyang-diin ng pamahalaan ang kahalagahan ng pag-iingat at pag-iwas sa lahat ng rehiyon.
Source: Kyodo / Larawan: Japan Institute for Health Security
Recommended for you
