Honda announces recall of nearly 20,000 electric motorcycles
Inihayag ng Ministry of Transport ng Japan na nagsimula ang Honda ng recall para sa 19,279 units ng 10 modelo ng electric na motorsiklo na ginawa mula Hulyo 2021 hanggang Abril 2023, kabilang ang modelong “Benly e: I”. Ang dahilan ay ang panganib ng sunog na nauugnay sa mga natatanggal na baterya na ginagamit sa mga nasabing sasakyan.
Ayon sa imbestigasyon, ang problema ay nasa hindi tamang pagkakawelding ng ilang bahagi sa loob ng bateryang “Honda Mobile Power Pack e:”, na maaaring magdulot ng pagtagas ng electrolyte. Kapag patuloy na ginamit, maaari itong magresulta sa short circuit at posibleng pag-apoy. Ang mga baterya ay gumagamit ng lithium-ion na teknolohiya. Tatlong kaso ng sunog na kinasasangkutan ng mga sasakyang ginagamit ng Japan Post ang naitala kamakailan sa mga prepektura ng Kanagawa, Fukuoka, at Kumamoto.
Nagsimula ang recall noong ika-16 ng Hulyo. Pinapayuhan ng Honda ang mga konsyumer na makipag-ugnayan sa kanilang customer service center sa numerong 0120-086819.
Source: Yomiuri Shimbun / Larawan: Asahi TV
Recommended for you
