INTERNATIONAL: 69 ang Kumpirmadong Patay sa Plane Crash sa Nepal
By
Posted on
Hindi bababa sa 69 katao ang kumpirmadong namatay matapos ang plane crash noong Linggo sa Nepal.
Ang flight ng Yeti Airlines na may 72 pasahero at crew ay bumagsak sa bangin malapit sa resort city ng Pokhara.
Sinabi ng mga opisyal ng airline na noong Lunes, 69 na bangkay ang narekober. Ang paghahanap para sa tatlong iba pang nawawala ay magpapatuloy hanggang Martes.
Ito ay nananatiling hindi malinaw kung ano ang sanhi ng pag-crash. Biglang umanong tumagilid ang eroplano sa kaliwa habang pababa. Ang aircraft ay pinaniniwalaang nag-crash kaagad pagkatapos.
Sinusuri ng mga imbestigador ang flight data recorder at cockpit voice recorder na na-recover mula sa crash site.
