Japan, Inaprubahan na ang Pfizer Oral COVID-19 Pill
Ang health ministry ng Japan nitong Huwebes ay nagbigay ng mabilis na pag-apruba para sa paggamit ng isang oral COVID-19 pill na binuo ng Pfizer Inc., na nagpapataas ng treatment options para sa mga taong may mild symptoms.
Ang Paxlovid, isang kumbinasyon ng dalawang antiviral na gamot, ang nirmatrelvir at ritonavir, ay nakatakdang maging pangalawang oral na gamot para sa mild coronavirus infections na available sa Japan, na nakakakita ng mga dumaraming kaso na dala ng highly transmissible na Omicron variant.
Ang Japan ay sumang-ayon na sa Japanese arm ng US pharmaceutical giant na Pfizer na bumili ng sapat na gamot para sa 2 milyong tao sa loob ng taon. Kasunod ng pag-apruba ng ministry, ang gobyerno ay unang kukuha ng sapat para sa 40,000 katao.
Noong Disyembre, inaprubahan ng ministry ang oral drug molnupiravir, na binuo ng US pharmaceutical company na Merck & Co.
Sinabi ni Health minister Shigeyuki Goto na ang mga oral na gamot ay inaasahang may mahalagang papel sa paggamot sa mga mild COVID-19 symptoms ng COVID-19.
Ipinakita ng Clinical trials na ang Paxlovid ay may mas mataas na pagkakataon na maiwasan ang pagkaka-ospital at pagkamatay kaysa sa molnupiravir, na binabawasan ang panganib ng 88 porsiyento para sa mga pasyenteng umiinom ng gamot sa loob ng limang araw pagkatapos ng simula ng mga sintomas kumpara sa mga nabigyan ng placebo, ayon sa Pfizer .
Naglalaman ang Paxlovid ng nirmatrelvir, na pumipigil sa pagdami ng coronavirus sa katawan, at ritonavir, na nagpapalakas ng epekto ng nirmatrelvir. Ang tableta ay inireseta na inumin dalawang beses sa isang araw sa loob ng limang araw.
Ito ay naaprubahan sa Britain at pinahintulutan sa United States noong Disyembre para sa emergency use.
