Japan to use AI to detect illegal foreign residents
Gagamit ang Japan ng artificial intelligence at social media upang matukoy ang mga dayuhang ilegal na naninirahan at nagtatrabaho sa bansa — kabilang ang mga employer na kumukuha sa kanila nang ilegal.
Hanggang ngayon, ang deportasyon ay pangunahing nakabatay sa boluntaryong pag-amin o mga ulat mula sa pulisya. Sa ilalim ng bagong estratehiya ng Immigration Services Agency, tututukan ang mga ilegal na job advertisements at mga pekeng dokumentong lantaran umanong kumakalat online.
Noong 2024, umabot sa 1,837 katao ang naaresto dahil sa ilegal na pananatili o pagtatrabaho sa Japan — pagtaas ng 459 kaso kumpara sa nakaraang taon. Sa kasalukuyan, tinatayang 68,488 dayuhan ang ilegal na naninirahan sa bansa.
Plano rin ng gobyerno na palawakin ang consultation services sa mga rehiyong nakakaranas ng lumalaking tensyon sa pagitan ng mga residente at mga dayuhang walang legal na status. Inaasahang magsisimula ang mga operasyon sa 2027.
Source: Yomiuri Shimbun
Recommended for you
