Japan unveils supersonic missile designed to evade interception

Unang ipinakita ng Japan ang isang long-range missile na kayang tumama sa target na daan-daang kilometro ang layo. Isinagawa ang demonstrasyon nitong Linggo sa panahon ng Fuji Firepower Exercise sa Higashi Fuji Maneuver Area.

Ang missile system, na bahagi na ng counter-attack capabilities ng bansa mula pa noong Marso, ay ipinakita sa isang military drill na nagsanay para sa posibleng pagtugon laban sa paglapag ng puwersang kaaway sa mga isla ng Japan. Ayon sa mga awtoridad, lumilipad ang missile sa matataas na altitude at sa supersonic speed, dahilan upang maging mahirap itong ma-intercept.

Lumahok sa ehersisyo ang humigit-kumulang 2,100 sundalo, kasama ang halos 50 armored vehicles, 50 artillery units at 10 aircraft. Tinatayang nasa 69.5 tonelada ng ammunition ang ginamit sa training, na may halagang humigit-kumulang ¥820 milyon.

Source: Yomiuri Shimbun / Larawan: JGSDF – Japan Ground Self-Defense Force