Kinondena ng Japan ang Iniulat na Pag-atake ng Russia sa mga Sibilyan sa Ukraine
Sinabi ni Japanese Chief Cabinet Secretary Hirokazu Matsuno nitong Lunes na “labis na nabigla” siya sa umano’y pag-atake ng Russia sa mga sibilyan sa mga Ukrainian town at nanawagan ng matatag na imbestigasyon ng International Criminal Court sa “mga war crime” ng Moscow, na umaalingawngaw sa naunang pagkondena ni Prime Minister Fumio Kishida sa naunang iniulat na mga pag-atake “bilang violation sa international law.”
“Labis kaming nabigla sa mga paghahayag ng labis na malagim na aksyon ng Russia na naging biktima ang maraming Ukrainian citizens,” sinabi ni Matsuno sa mga mamamahayag. “Ang mga pag-atake sa mga innocent citizen ay paglabag sa international human rights law at talagang walang kapatawaran.”
Binanggit ni Matsuno na ang Tokyo ay nagsampa ng pormal na reklamo sa International Criminal Court laban sa Russia dahil sa digmaan nito sa Ukraine noong Marso at inaasahan ng Japan na ganap na imbestigahan ng korte ang “mga war crime” na sinasabing ginawa ng Moscow.
Sinabi ni Matsuno na patuloy na makikipagtulungan ang Japan sa iba pang miyembro ng Group of Seven advanced economies at ng international society sa posibleng further sanctions laban sa Russia, ngunit hindi niya idinetalye.
Sinabi ni Kishida na “matatag na isasagawa ng Japan ang dapat nitong gawin” habang nakikipagtulungan sa international society sa posibleng further sanctions laban sa Russia.
“Dapat nating mahigpit na kondenahin ang mga problema sa human rights problem at mga aksyon na lumalabag sa international law,” sabi ni Kishida.
Recommended for you
