Nearly half of japanese population faces food security crisis

Isang pag-aaral na isinagawa ng Institute of Science Tokyo ang nagsiwalat na halos 44% ng populasyon ng Japan ang nakaranas ng gutom o pagbabawas ng timbang dahil sa kakulangan ng pera upang makabili ng pagkain. Ang mga indibidwal na ito ay isinama sa tinatawag na “grupo ng krisis sa seguridad sa pagkain.” Isinagawa ang survey noong Pebrero 2025 sa pamamagitan ng online na mga tanong sa 10,000 katao, gamit ang batayan mula sa food security questionnaire ng U.S. Department of Agriculture.

Ayon sa resulta, mas apektado ang mga lalaki, kabataan, mga taong mababa ang antas ng edukasyon, at yaong nakatira sa mga rural na lugar, partikular sa mga rehiyon ng Tohoku at Kyushu. Mahigit kalahati ng mga taga-roon ay kabilang sa krisis. Itinuturong sanhi ng problema ang patuloy na pagtaas ng presyo ng pagkain, mababang prioridad sa nutrisyon, at kakulangan ng madaling akses sa mga pamilihan.

Ipinahayag ni Takeo Fujiwara, ang mananaliksik na namuno sa pag-aaral, na ang Japan ay hindi kinakapos sa suplay ng pagkain, ngunit maraming tao ang hindi kayang bumili ng sapat dahil sa limitasyong pinansyal. Ipinakita rin ng survey ang ugnayan sa pagitan ng food insecurity at climate change: ang mga taong kulang sa pagkain ay mas naaapektuhan ng matinding kondisyon ng panahon at mas suportado ang mga pulitikong kumikilos laban sa global warming.

Para kay Fujiwara, hindi sapat na solusyunan lamang ang kakulangan sa pagkain—kailangan ding tugunan ang mga ugat nitong problema tulad ng pagbabago ng klima at kawalan ng suporta sa mga mahihinang sektor ng lipunan.

Source / Larawan: Asahi Shimbun