Ryoko Hirosue Released After Alleged Assault on Nurse
Pinalaya ngayong Miyerkules (Abril 16) ang Japanese actress na si Ryoko Hirosue, 44 taong gulang, matapos maaresto sa hinalang pananakit sa isang nurse sa ospital sa lungsod ng Shimada, sa lalawigan ng Shizuoka. Ayon sa opisyal na pahayag sa kanyang website, hindi siya pormal na kinasuhan ngunit mananatili sa ilalim ng imbestigasyon at nakikipag-cooperate sa mga awtoridad nang kusang-loob.
Naganap ang insidente noong Abril 7 matapos masangkot si Hirosue sa isang aksidente sa kalsada sa Shin-Tomei Expressway. Bumangga siya sa isang trak habang may kasamang lalaking pasahero na nagtamo ng bali. Bahagyang nasugatan si Hirosue at dinala sa isang ospital, kung saan umano niya sinaktan ang isang nurse na pumigil sa kanya sa paglalakad-lakad sa loob ng pasilidad. Ayon sa mga ulat, sinipa umano ni Hirosue ang nurse nang maraming beses at iniscratch ang braso nito.
Ayon sa kanyang mga kinatawan, negatibo sa alak at ilegal na droga si Hirosue batay sa mga pagsusuri. Gayunpaman, nagpapakita siya ng mga palatandaan ng emosyonal na kawalang-stabilidad at sasailalim sa gamutan. Ipinahayag din ng kanyang kampo na nakipag-ayos na siya sa nurse na nasaktan at ipinakita ang kanyang pagsisisi sa insidente.
Source / Larawan: Kyodo
Recommended for you
