Toyokawa may run dry by march
Nagsagawa ng emergency meeting ang Chubu Regional Development Bureau upang harapin ang matinding tagtuyot na nagbabanta sa Toyokawa Irrigation Canal sa Aichi Prefecture. Ayon sa pagtataya, mas mababa sa karaniwan ang inaasahang pag-ulan at patuloy ang pagbaba ng lebel ng tubig sa mga reservoir.
Bandang hatinggabi ng Lunes (16), ang Ure Dam ay nasa 3.5% na lamang ng kapasidad, habang ang Oshima Dam ay nasa 23%. Ang sistema ay nagsusuplay ng tubig sa limang lungsod sa silangang bahagi ng Mikawa, kabilang ang Toyohashi. Kung hindi uulan, maaaring matuyo ang mga dam pagsapit ng kalagitnaan ng Marso. Ito ang unang winter task force na binuo mula noong 2005.
Ang tagtuyot, na itinuturing na pinakamatindi sa loob ng 30 taon, ay nakaaapekto rin sa Kochi, Fukuoka, Tokyo at Kanagawa. Nanawagan ang pamahalaan sa publiko na agad magtipid sa paggamit ng tubig.
Source / Larawan: CBC TV
Recommended for you
