Ibaraki: Child dies of suffocation inside washing machine
Inaresto nitong Miyerkules (ika-14) ang isang 31-anyos na lalaki sa hinalang involuntary manslaughter matapos mamatay ang kanyang dalawang taong gulang na anak sa lungsod ng Kasumigaura, sa prefecture ng Ibaraki.
Ayon sa pulisya, iniwan umano ng lalaki ang bata nang mag-isa sa loob ng humigit-kumulang 20 minuto, sa kabila ng kaalamang nahulog ang bata nang ulo pababa sa loob ng isang washing machine. Ang kapabayaan ay nagresulta sa suffocation na naging sanhi ng pagkamatay ng bata. Naganap ang insidente noong Abril ng nakaraang taon.
Sa oras ng pangyayari, nasa trabaho ang ina ng bata. Ayon pa sa mga awtoridad, inilagay ang washing machine sa silid ng bata dahil ito ay naka-iskedyul na para itapon. Patuloy na iniimbestigahan ng pulisya ang mga detalye at pangyayari sa kaso.
Source: Yomiuri Shimbun
Recommended for you
