Experts sound Mounjaro alarm
Nagbabala ang Japan Society for the Study of Obesity tungkol sa paggamit ng Mounjaro, o tirzepatide, ng mga taong walang diabetes para sa mabilis na pagpapapayat.
Ayon sa grupo, ang gamot, kapag sinabayan ng matinding pagbabawas ng calories o carbohydrates, ay maaaring magdulot ng ketosis. Maaari itong humantong sa pagsusuka, matinding panghihina, hirap sa paghinga at pagkawala o pagbabago ng kamalayan. Sa malalang kaso, maaari itong ikamatay.
Pinapayuhan ang publiko na agad magpatingin kapag nakaranas ng pagbabago sa amoy ng hininga, pagduduwal, pananakit ng tiyan o kawalan ng kakayahang kumain at uminom. Bagama’t kinikilalang makabago at kapaki-pakinabang ang Mounjaro para sa mga pasyente, iginiit ng mga eksperto na dapat unahin ang kaligtasan.
SOURCE: ASAHI SHIMBUN / LARAWAN: ILLUSTRATIVE PHOTO
