Japanese and Filipino suspects arrested over attempted robbery
Tatlong karagdagang suspek ang inaresto ng Tokyo Metropolitan Police dahil sa umano’y pagkakasangkot sa isang grupo na nagplanong mangholdap ng isang tindahan na bumibili ng mahahalagang metal sa Shinjuku. Kabilang sa mga inaresto ang dalawang Japanese at isang 19-anyos na Pilipino. Umabot na sa siyam ang kabuuang bilang ng mga naaresto kaugnay ng kaso.
Ayon sa imbestigasyon, nahuli umano ang mga suspek na nagmamanman sa paligid ng tindahan habang may dalang mga baton at tear gas spray bago ang planong pagnanakaw. Natukoy ang pagkakasangkot ng tatlo sa pamamagitan ng mga kuha mula sa security cameras.
Naniniwala ang pulisya na ang mga suspek ay nirekrut ng mga recruiter upang isagawa ang krimen. Patuloy na iniimbestigahan ng mga awtoridad ang posibleng pagkakasangkot ng iba pang miyembro ng grupo.
Source / Larawan: TBS News Dig
Recommended for you
