Takaichi promises billions in aid
Bumisita si Prime Minister Sanae Takaichi nitong Lunes (3) sa mga lugar na naapektuhan ng lindol sa Kumamoto at inanunsyo na maglalaan ang pamahalaan ng mahigit 20 bilyong yen mula sa reserve fund upang mapabilis ang rehabilitasyon. Inihayag din niya na plano ng gobyerno na ideklara ang insidente bilang isang “major disaster”, na magpapalawak sa suportang pinansyal para sa mga apektadong lugar.
Sa kanyang pagbisita, nagtungo si Takaichi sa isang evacuation center sa lungsod ng Hikawa, nakinig sa mga residente, at nakipagpulong kay Governor Takashi Kimura. Ayon sa punong ministro, titiyakin ng pamahalaan ang kinakailangang pondo para sa muling pagbangon ng rehiyon. Plano rin nitong italaga ang lindol bilang isang “specific extraordinary disaster”, na magbibigay-daan sa mga espesyal na hakbang tulad ng pagpapalawig ng bisa ng driver’s license at iba pang serbisyong administratibo para sa mga naapektuhan.
Souce / Larawan: Mainichi Shimbun
