Teenagers arrested after throwing eggs at police vehicles
Anim na kabataang may edad na 15 hanggang 16 taong gulang ang inaresto dahil sa hinalang panghaharang sa operasyon ng pulisya matapos nilang pagbabatuhin ng mga hilaw na itlog ang mga police vehicle noong madaling-araw sa Kasugai City, Aichi Prefecture. Ayon sa pulisya, sakay ang mga suspek ng tatlong motorsiklo at isinagawa ang mga pag-atake sa iba’t ibang lugar malapit sa istasyon ng pulisya, habang kinukunan ng video ng mga opisyal ang insidente bilang ebidensya.
Tumakas ang mga suspek ngunit natukoy sila sa pamamagitan ng mga CCTV camera. Ayon sa pulisya, ilan sa kanila ang umamin na ginawa nila ito “para sa kasiyahan” at upang makaranas ng “thrill.” Ipinakikita ng imbestigasyon na may kaugnayan sila sa isang bōsōzoku o motorcycle gang at tinatawag nilang “polione” ang kanilang gawain ng paghamon sa pulisya. Mula pa noong Mayo, 12 kabataan na ang naaresto kaugnay ng mga insidenteng iniuugnay sa parehong grupo, kabilang ang isang kaso ng pananakit.
Source / Larawan: Chukyo TV News
