Maraming bagay sa usaping pulitikal at pambansang suliranin ang natatakpan ng mga tinatawag na film propagandas. Karamihan sa mga ito ay panig sa isang pamahalaan at ang kadalasang tinatalakay ay ang mga kabutihang nagawa ng kasalukuyang namamahala.
Paano naman ang film propaganda ng Japan sa panahon ng Ikalawang Digmaang Pandaigdig? Basahin ang artikulong ito upang magkaroon ng sapat na kaalaman ukol sa paksang ito.
Film Propaganda of Japan during World War II
Human Tragedy
Una sa lahat, ang mga pelikula ng Japan noong panahon ng digmaan ay sumesentro sa human tragedy. Subalit, hindi kailanman niluluwalhati nito ang Japanese military adventurism. Upang maging pantay at di makakasakit ng kalooban at karapatan ng isang bansa, hindi binabanggit sa mga ganitong uri ng pelikula ang mga legal na kasapi ng mga tinatawag na Allied Forces. Sa halip, ang salitang enemy ay madalas na ginagamit noon. Ngunit ayon sa mga eksperto sa kasaysayan ng daigdig, ang maganda at makatotohanang film propaganda ng Japan ay kalimitang di tinatalakay ang may kinalaman sa iba’t-ibang sanhi ng World War II. Ayon sa mga kritiko nito, ang romantic side of the war sa pagitan nila at ng mga kanluraning bansa ang kadalasang binibigyang halaga ng sining na ito. Dito, ang Japan ay isang biktima at hindi isang aggressor.
Revisionist
Isinasalarawan din ang mga Japanese movies bilang isang revisionist. Ang pelikulang “The Truth about Nanjing,” ay isa lamang sa mga klasikong halimbawa nito. Sa pelikulang ito, sinasabing ang mga pinuno ng Japan ay mga martir at hindi masasama tulad ng nakatatak na sa ating kasaysayang pandaigdig.
Flashback Narrative
Sa makabagong panahon, ang film propaganda ng Japan ay gumagamit ng tinatawag na flashback narrative. Tulad na lang ng pelikulang “Eternal Zero.” Ang pelikulang ito ay ukol sa war survival tales ng dalawang magkapatid ngunit mas ninais pa nilang mamatay bilang mga kamikaze. Ang mga kritiko ng pelikulang ito ay binansagan ito na isang shameless nationalistic propaganda sapagkat ang mga bida nito ay inihandog sa madla bilang mga taong radikal na napilitang magkaroon ng isang marangal na kamatayan.
Anuman ang naiwang marka nito sa kasaysayan ng Japanese film making, ang mahalaga ay ang mga aral na nakuha ng mga manonood ukol dito.
Image credit: http://asianwiki.com/The_Eternal_Zero_(Japanese_Drama)
